Rama u bën thirrje qytetarëve që jetojnë në Prishtinë, por të lindur në qytete tjera, të regjistrohen si banor rezident të kryeqytetit

23:34 | 5 Maj 2024
E.G

Kryetari i Prishtinës, Përparim Rama u ka bërë thirrje qytetarëve që jetojnë në Prishtinë, por të lindur në qytete tjera, të regjistrohen si banor rezident të Prishtinës.

Me anë të një postimi në Facebook, ai ka sqaruar se nëse banoni në Prishtinë, i keni fëmijët në shkollë në Prishtinë, merrni shërbime shëndetësore në Prishtinë ju duhet të regjistroheni si banor i Prishtinës.

“Ju bëj thirrje edhe një herë qytetarëve të Republikës së Kosovës, që jetojnë në Prishtinë, por të lindur në qytete tjera, të REGJISTROHEN si BANOR REZIDENT të Prishtinës. Pra, nëse banoni në Prishtinë, i keni fëmijët në shkollë në Prishtinë, merrni shërbime shëndetësore në Prishtinë ju duhet të regjistroheni si banor i Prishtinës.”, ka shkruar ai./Arbresh.info/